Trwy barhau i ddefnyddio'r wefan, rydych yn cytuno i osod nifer fechan o gwcis. Polisi cwcis

Desktop
Skip Ribbon Commands
Skip to main content
 
 
You are in :

Comisiwn y Cynulliad
Assembly Commission

NAFWC 2010 (Papur 4 Rhan1)
Penderfyniad diwygiedig

Dyddiad: 21 Medi 2010
Amser:Ar ôl y Cyfarfod Llawn
Lleoliad:Ystafell Gynadledda 4b
Enw a rhif ffôn yr awdur: Steven O’Donoghue, est 8746

Paratowyd y papur hwn i'w ystyried gan Gomisiwn Cynulliad Cenedlaethol Cymru. Penderfynwyd ei bod yn addas ei gyhoeddi wedi iddo gael ei ystyried yn unol â rheolau'r Comisiwn ar gyfer cynnal busnes. Ni chaniateir i gynnwys y papur hwn gael ei gyhoeddi na'i ddatgelu'n rhy gynnar oherwydd gallai hyn ddylanwadu ar drafodaethau'r Comisiwn.

1.0 Diben a chrynodeb o’r materion dan sylw

1.1 I’r Comisiwn gadarnhau’r newidiadau yn y Penderfyniad.

2.0 Argymhellion

2.1 Bod y Comisiwn yn cadarnhau’r Penderfyniad diwygiedig sydd ynghlwm, i’w fabwysiadu o 22 Medi 2010 ymlaen.  

3.0 Trafodaeth

3.1 Mae’r Penderfyniad diwygiedig ynghlwm yn Atodiad A. Mae’r Comisiwn wedi cymeradwyo’r newidiadau eisoes, ac maent yn cael eu hesbonio isod. Dyma’r tro olaf y bydd y Comisiwn  yn gwneud penderfyniadau o’r fath gan mai’r Bwrdd Taliadau newydd fydd yn gwneud hynny o hyn ymlaen.

3.2 Dyma’r prif newidiadau yn y Penderfyniad:

Adran 1.7 Cyflwyno ceisiadau’n brydlon

Fel ymateb i sylwadau’r Aelodau, mae’r adran hon wedi’i hail-eirio i fod yn fwy eglur ac i ddarparu ar gyfer cyflwyno terfynau amser ar gyfer diwedd y flwyddyn ariannol. Yn unol â’r blynyddoedd blaenorol, byddwn yn parhau i gyhoeddi arweiniad manwl ar wahân ar y trefniadau diwedd blwyddyn yn nes at ddiwedd y flwyddyn.  

Adran 2.1 Cyflogau’r Aelodau

Ychwanegwyd troednodyn i egluro’r sefyllfa’n well ac er mwyn medru talu cyflogau ar ôl diddymu’r Cynulliad, ac wedi hynny, i swydd-ddeiliaid penodol, yn unol â Deddf 2006. Heb hyn, ni fyddai geiriad y Penderfyniad yn caniatáu i gyflogau’r swydd-ddeiliaid barhau.   

Dyma’r swyddi dan sylw: y Llywydd, Comisiynwyr y Cynulliad, Prif Weinidog Cymru, Gweinidogion Cymru, Dirprwy Weinidogion Cymru a’r Cwnsler Cyffredinol.

Adran 4.3.3 – Teithio arferol

Yn ystod ein hymgynghoriad ynglyn â chyflwyno tâl am barcio yn Nhy Hywel, daeth yn amlwg bod yr Aelodau, ac eraill, yn pryderu y byddai modd i’r Aelodau hawlio’r costau hyn yn ôl drwy gyfrwng eu lwfansau.  Mae’r Penderfyniad diwygiedig yn sicrhau na fydd modd iddynt wneud hyn gan sicrhau tegwch i bawb sy’n dewis parcio yno, ac mae’n dileu unrhyw ansicrwydd ynglyn â’r sefyllfa.  

Adran 10.2.1 Costau swyddfa

Mae’r uchafswm o £1,500 ar hysbysebu cymorthfeydd, a gyflwynwyd yn dilyn un o argymhellion Yn Gywir i Gymru, wedi’i ddileu. Sylweddolwyd mai goblygiadau ymarferol pennu’r uchafswm hwn oedd cyfyngu ar allu’r Aelodau i gyfathrebu â’r cyhoedd, ac nid dyna oedd bwriad y Panel Adolygu Annibynnol. Caiff y mater ei gyfeirio’n awr at y Bwrdd Taliadau i’w drafod.

Adran 10.2.6 Costau swyddfa

Dywedwyd wrth yr Aelodau y bydd y rheol yn ymwneud â hawlio costau galwadau busnes ar eu ffonau symudol personol yn cael ei chyflwyno ar ddechrau’r Pedwerydd Cynulliad yn hytrach nag yn ystod y flwyddyn bresennol. Gan hynny, mae’r rheol wedi’i dileu o Benderfyniad 2010.

3.3 Rydym hefyd yn manteisio ar y cyfle i dacluso rhyw ychydig ar y ddogfen a’i chyflwyno’n unol â’n canllawiau brandio (nid yw’r ddogfen sydd ynghlwm wedi’i brandio).

3.4 Ar ôl i’r Comisiwn gadarnhau’r Penderfyniad diwygiedig, rydym yn bwriadu ei osod ar 22 Medi.



Partners & Help